ساهم في نشر الاسلام

طال نقاشنا وتباينت أفكارنا حول كيفية تبليغ دعوة الله عز وجل الى كل من لم تصله الدعوة والى كل من يحاول التغاضى عنها ،
لهذا رأيت أن أقوم ببحث قصير واجتهاد من عندى وما توفيقى الا بالله عليه توكلت وعليه فليتوكل المتوكلون .
قررت فى هذا الموضوع أن أقدم بين أيديكم بعض الأساليب التى تساعدنا على نشر اسلامنا الحنيف وعلى تحسين صورته فى عيون غير المسلمين ،
ودعونى أبدأ
وبالطبع أنتظر إضافاتكم وابتكارتكم لأساليب دعوية جديدة .

1-ابدأ بنفسك:-
نحن لسنا كاملون ولن نبلغ ابدا حد الكمال فالكمال والجلال لله وحده ،
ولكن هل نحن على دراية بشؤن اسلامنا كاملة وبصفة سليمة ؟
هل نملك فى بيوتنا مجلد أو اثنين كفقه السنة وتفسير القرآن أو السيرة النبوية ؟
هنا يجب علينا أن نتعلم ديننا حتى نعلمه لغيرنا وحتى نظهر أمام غير المسلمين بصورة جيدة بل ممتازة
قال رسول الله صلى الله عليه وسلم " الدين المعاملة قالوا لمن يا رسول الله قال لله ورسوله"
يعنى ايه حاجتين
الأولى :- التعامل بيننا كمسلمين لازم نصلحه يعنى بلاش سياسة أنا مالى بلاش السلبية بلاش العناد والخناق مع الناس على كل شئ اعرف دينك بيقولك ايه فى كل شئ وافتكر انك بتعامل ربنا سبحانه وتعالى رغبة فى جنته وبتعامل رسول الله صلى الله عليه وسلم حبا وشوقا للقائه .
يعنى زمان كانوا بيقولوا اعمل الخير وارميه البحر بس انت هتقول اعمل الخير واحفظه عند ربنا واللى عند ربنا سبحانه وتعالى لا يضيع ابدا .
الثانية:-
التعامل بين المسلمين وغير المسلمين
لازم تعاملك مع غير المسلمين يظهر فيه مدى تسامح الاسلام وعزته ومدى صدق المسلم واحترامه لدينه وربه ورسوله يعنى مش الاسلام بيقول حاجة واحنا بنعمل حاجة تانية خالص ،
عارفين الفتوحات الاسلامية وصلت للأندلس اللى هى اسبانيا والبرتغال حاليا اسبانيا والبرتغال وايطاليا كانوا مسلمين

فتحهم شاب محارب اسمه محمد الفاتح لسبب صغير
لما كان سنه تقريبا 8 سنين سمع من شيخه حديث بسيط عن الرسول صلى الله عليه وسلم إن الأندلس هيفتحها شاب قوى ووصفه الرسول بأحسن الصفات فمحمد سمع الحديث وقال يارب اكون انا الشاب ده وظل يتمرن ويكافح الى ان اصبح اكبر قواد الجيوش وتقدم لفتح الأندلس وقال مقولته الشهيرة البحر ورائكم والعدو أمامكم
وفتح الأندلس والقسطنطينية وانتشر الاسلام بسماحة اخلاق المسلمين اللى امتزجوا مع اهل الأندلس من غير المسلمين
وضاعة الأندلس
لما المسلمين اخلاقهم ساءت واصبحوا عشاقا للخمر والغوانى وتركوا الجيش والتمارين والقتال والدعوة .
توقفت الفتوحات لكن التجارة مستمرة لا تتوقف السفر لكل دول العالم لا يتوقف
عارفين اندونيسيا وماليزيا والفلبين والبلاد اللى حواليهم هند وباكستان
الاسلام دخلهم ازاى مش بالفتوحات ولا حاجة
عرفوا الاسلام من التجار المسلمين اللى كانوا بيسافروا للشراء والبيع من الهند وما حولها
فالناس شافت دين جديد اصحابه بيحافظوا على الصلاة بيقولوا لا اله الا الله بيقولوا الربا حرام بيساعدوا المتحتاج بيتصدقوا ويزكوا ويصوموا ويقوموا الليل
الناس عجبهم المسلمين وصدقهم والتزامهم فى زمن قل فيه الصادقين والأمناء
فقالوا لا اله الله

الناس دى الرسول صلى الله عليه وسلم قال انهم فى زمان ما هم اللى هينشروا الاسلام فى الأرض من جديد.



الأم تربى ابنائها على سيرة رسول الله صلى الله عليه وسلم وعلى سيرة الصحابة
بلاش حدوتة الشاطر حسن وخليها حدوتة سلمان الفارسى او عمر بن الخطاب
حببى الاسلام اليهم
بلاش تسمعيهم اغانى وسماعيهم قران
عشان يكبروا وكلام ربنا فى قلوبهم وعقولهم


الطلبة فى المدارس والجامعات

وقت الصلاة احرصوا عليه
قولوا للغش فى الامتحان لالالالا
اعملوا اللى عليكم وذاكروا عشان ربنا عشان دينكم
ادرسوا اللى تدرسوه لكن استخدموه فى نصرة دينكم


يا جماعة بجد لازم نغير نفسنا الأول

قال تعالى "ان الله لا يغير ما بقوم حتى يغيروا ما بأنفسهم"